സമീക്ഷ യുകെ വടക്കൻ അയർലൻഡ് നിവാസികൾക്കായി സംഘടിപ്പിച്ച കലാപൂരത്തിന് വർണാഭമായ സമാപനം.

സമീക്ഷ യുകെ വടക്കൻ അയർലൻഡ് നിവാസികൾക്കായി സംഘടിപ്പിച്ച

കലാപൂരത്തിന് വർണാഭമായ സമാപനം.

ലിസ്ബണിലെ ലോറൽഹിൽ കമ്മ്യൂണിറ്റി കോളജിൽ നടന്ന സർഗോത്സവത്തിൽ നൂറിലേറെ പേർ പങ്കെടുത്തു. സീനിയർ വിഭാഗത്തിൽ ടെസ്സ് മേരി കലാതിലക പട്ടം ചൂടി. അഡൽറ്റ് വിഭാഗത്തിൽ ഷാരോൺ ബെന്നിയാണ് കലാതിലകമായത്. ജൂനിയർ വിഭാഗത്തിൽ ഡീഗോ സാനിയൽ കലാപ്രതിഭയായി തിരഞ്ഞെടുക്കപ്പെട്ടപ്പോൾ, ജൊഹാന സാറാ ജനു കലാതിലകമായി. സർഗ്ഗോത്സവത്തിൽ ഉടനീളം മിന്നുന്ന പ്രകടനം കാഴ്ചവെച്ച ഹെലൻ റേച്ചൽ ലിജോയ് ആണ് ബാലതാരം. സമാപന സമ്മേളനത്തിൽ അവതരിപ്പിച്ച നൃത്തശില്പം വേറിട്ട കാഴ്ചയായി. കലാകേളി വാദ്യസംഘം അവതരിപ്പിച്ച തായമ്പക ആവേശത്തിരയിളക്കി. തിരുവാതിരയും ഒപ്പനയും മാർഗ്ഗംകളിയും അരങ്ങേറി. കർമ്മാ കലാകേന്ദ്രത്തിലെ നൃത്താദ്ധ്യാപികയായ ബിജിനി ജയപ്രകാശ് ഭദ്രദീപം കൊളുത്തി ഉദ്ഘാടനം ചെയ്തു. ജനറൽ കൺവീനർ ആതിരാ രാമകൃഷ്‌ണൻ സ്വാഗതവും സുബിതാ ശ്രീഹരി നന്ദിയും പറഞ്ഞു. സമീക്ഷ യുകെ ദേശീയ സെക്രട്ടേറിയറ്റ് അംഗം ബൈജു നാരായണൻ സംസ്കാരിക സമ്മേളനം ഉദ്ഘാടനം ചെയ്‌തു. സർഗവേദി നോർത്തേൺ ഐർലൻഡ് കോർഡിനേറ്റർ ശ്രീ എസ്.എസ്.ജയപ്രകാശ് സ്വാഗതം പറഞ്ഞു. സമീക്ഷ യുകെ നാഷണൽ കമ്മിറ്റി അംഗമായ സ്വരൂപ് പിള്ള,ജോബി പരിയാടാൻ ആശംസയും പ്രദീപ് പ്ലാക്കൽ നന്ദിയും അറിയിച്ചു.